霆鋒杭州開騷 燒錢打造新舞台
謝霆鋒《Evolution Nic Live進化演唱會》內地巡演首站於本月9日及10日假杭州奧體中心體育場（綽號「大蓮花」）舉行，全場近5萬個座位爆滿。當大家以為是將香港的原裝舞台搬到杭州，霆鋒說：「錯晒！呢個舞台同香港嘅係兩個舞台，今次為大蓮花重新做咗一個進化舞台，我都服咗自己！」
霆鋒解釋，因香港站是室內演出，當初所有機關包括懸浮波、拱門及地面軌道等完全沒有考慮風雨問題，「所以好多裝置都有改動，今次就等於係一個完全新嘅舞台！今次的場館是露天設計，所以我哋做咗個新嘅頂篷，但成塊黑色又好難睇，結果又加多幾百盞燈！」香港站破紀錄用了2,200盞燈，這次杭州站再加碼，他尷尬表示，「現在加到我都唔想睇呢個budget（預算）。」霆鋒透露過去半年不停整改工程，由機械承重到軌道防風雨，全部重新計過。
