英軍出醜 基爾獲加做罪人
低處未算低！繼上周中世盃外小勝魚腩安道爾，演出差劣被鬧爆後，英格蘭國家隊昨晨主場熱身賽，竟以1:3不敵塞內加爾，創下國家隊史上首次敗於非洲球隊劣績！35歲老將基爾獲加表現奇差，國家隊生涯隨時告終！
即使有王牌中鋒哈利卡尼繼續發威，開賽僅7分鐘即入波先開紀錄，英軍在領先後又故態復萌，漫不經心頻踢交差波不思進取！終在40分鐘失守，基爾獲加「散步式」防守走甩客軍伊斯美拿沙亞，被對手把握機會追成1:1。英軍領隊杜曹基於不滿上仗對安道爾的表現及態度，今仗除哈利卡尼外更換所有10名正選，但始終只有卡尼維持水準；下半場經換人後仍無起色，終在尾段連失兩球輸波。
英軍此前曾21次出戰非洲球隊，從未輸過，今場打爛齋缽，令杜曹再次失望：「塞內加爾世界排名前20，並非弱隊，但我哋可以踢得更聰明。好在，世界盃唔係聽日展開，我哋仲有一年時間準備。」至於今仗第96次代表英軍出賽的基爾獲加，賽後被名宿堅尼鬧爆懶散，未來恐怕難再得到杜曹重用。
