朱茵瘋狂自摑 感動觀眾
朱茵、羅家英與李子雄日前在深圳演出舞台劇《驢得水》，稍後再到內地不同地方巡演。今次是「紫霞仙子」朱茵與「唐三藏」羅家英繼電影《西遊記大結局之仙履奇緣》後，相隔30年首次在話劇舞台重逢。朱茵表示：「大家咁多年冇合作，今次難得同台有種莫名嘅親切感！」
朱茵透露劇中一場自摑戲極難演：「大家商量後，為咗令對手更有壓迫感，由試演時自摑七至八下，到正式公演改成十幾下瘋狂自摑，難度更高！我練咗好耐，摑嘅聲音要夠響，同時唔可以打到耳仔，加上我個角色『張一曼』面對連番被背叛，開頭我準備角色試過用喊去表達，但後來發覺用忍住唔喊、又熱淚盈眶嘅演繹更能展現角色嘅倔強，令觀眾更加動容。」
