泳兒涉足幕後冀當MV導演
踏入2025年，泳兒（Vincy）第一炮作品《無糖可樂》近日上架，主題聚焦情侶日常，找來情侶組合「小塵埃」合作，寫一首最純粹平實的愛情小品。Vincy於MV中擔任Creative Consultant一職：「我有份揀寵物演員，亦有負責度古仔，尤其是某啲情節希望比較貼地。」MV中不少情節都是Vincy的生活日常，她表示最喜歡夜晚睇戲一段：「我覺得兩個人同埋寵物，簡簡單單喺屋企煲劇睇戲已經係一件平淡得來又幸福嘅事。」今次Vincy更多參與幕後工作：「我對拍片、剪片都有興趣，近期都會出多啲自己剪嘅片自己，儲多啲經驗日後有一部自己執導嘅MV。」
