電玩神帥 領蘭斯創奇跡
要數近期歐洲最受關注教頭，在曼聯領隊坦哈格以外，肯定是法甲蘭斯主帥史迪爾。據稱靠玩《FM足球經理人》學習教波知識的他，連同剛戰帶領蘭斯作客1:0打敗摩納哥後，他上任後的聯賽不敗場數已經增至17場，球隊則已累積19場不敗。蘭斯雖然因他未擁有合資格的歐洲教練牌，每場賽事要罰款2.5萬歐元，但相信也是「笑住畀」吧！
現年30歲的史迪爾，上任後聯賽17場不敗的紀錄，距離歐洲5大聯賽最長、由已故前巴塞隆拿主帥維蘭路華寫下的18場只差1場。目前蘭斯排在法甲第8，仍有機會爭逐歐戰資格，史迪爾表示：「幾乎相等於半季冇輸過，真係好黐線。不過我哋都要現實啲，依家排名喺我哋之上嘅球隊，都係有好高質素㗎！」
翻查資料，史迪爾是在17歲時因玩《FM足球經理人》決定放棄球員夢，轉而往教練一途發展，而他在執教蘭斯前，也曾在比利時球會利亞斯、比士佐特VA及標準列治等出任視像分析員及助教等，直到去年10月獲得蘭斯垂青，首執教鞭。
