譚詠麟4月初續打第二針
接種科興疫苗沒不良反應
港台全新節目《香港足球名人堂》昨舉行節目啟動禮，並邀得譚詠麟（阿倫）、足球名宿張子岱及黃文偉等主持打手印儀式，又即場進行一場「健步足球賽」，烈日當空下阿倫踢到滿頭大汗，踢完即要飲凍飲降溫。
早前打了科興疫苗的阿倫，被問到有何反應？「乜都冇，我同朋友一齊去打，我試過有日日間眼瞓，對我嚟講係好少可，（擔唔擔心？）淨係眼瞓冇乜擔心，我就冇聽過有副作用，4月初我就打第二針，當然打之前要自己check清楚心跳同血壓，我每年都有做身體檢查。」說到曾志偉出任無綫高層，銳意改革綜藝及音樂節目，阿倫也寄語志偉要做好音樂節目，因所有音樂資訊都係由香港發出去，更不要區分你台我台，大家齊心才可做好音樂。另近日多位藝人因「新疆棉」事件而與一些品牌割席，阿倫昨日身上所穿外套及波鞋都不涉及風波的品牌，而是本地設計師的得獎設計及西班牙品牌，他謂支持任何一個好的設計。但近日可要掉衣服同波鞋？「避得幾多，有啲fans送嘅有紀念性，我着啲歌迷開心我又開心，何樂而不為？」對於有網民燒掉有關品牌的波鞋以示抵制？他認為這樣太浪費，唔着可捐給有需要的人。
