開騷收100包撈麵 黎展峯嗌崩潰
出道4年的黎展峯（Andy）日前迎來人生第一次音樂會！他跟張馳豪（Aska）拍住上舉行《Andy X Aska PLAY》音樂會。Andy笑言發生「崩潰」趣事：「最深刻係收咗100包印尼撈麵！我本身好鍾意食，但為咗呢場騷努力Keep Fit一個月。因為開騷前要谷肌，我特登食咗印尼撈麵攝取碳水，點知開騷當日，粉絲為咗慶祝我Good Show，送咗成100包印尼撈麵畀我，早知話自己鍾意食魚子醬啦！」
Andy表示唱《免費升級》時最感動：「呢首歌陪伴住我或者好多人經歷低潮，能夠帶住呢首歌去到一個更大嘅舞台表演，真係好感動。亦提醒自己要繼續更加努力，每一次都要畀大家見到一個升咗級嘅Andy。」
