曾展望抱葉蒨文 林堡熙呷醋怒睥
關嘉敏認情傾姜卓文
無綫戀愛真人騷《女神配對計劃》自播出後話題不絕，昨日5位女神與一眾「求愛勇者」出席活動時，亦「花生」指數爆燈！曾展望幸運被抽中抱起葉蒨文，即惹來參賽者林堡熙（Eddie）呷醋怒睥，更說：「睇住整親呀！」火藥味非常之濃。
葉蒨文（Sophie)、羅毓儀（Yuki）、李芷晴、關嘉敏、梁敏巧昨日到將軍澳電視城，出席《女神配對計劃》記者會，一眾「求愛勇者」與女神大玩心動遊戲。Yuki應主持林盛斌要求，向林俊其撒嬌，但她卻尷尬得只懂傻笑，最後變成林俊其唱歌冧女。姜卓文唱情歌冧關嘉敏，氹到女方怕醜面紅紅。曾展望被抽中與Sophie「公主抱」，其他女神即起哄質疑作弊。當他抱起Sophie時，Eddie醋意大發，怒睥曾展望並說：「睇住整親呀！」
Sophie受訪時被問是否已選定曾展望？她笑言：「愛情係持久戰，我哋5個都好認真，唔會欺騙人感情，亦都唔想Hurt人。」曾展望表示不覺得藝人身份對追求女神有優勢：「雖然有信心成功，但感情唔可以只靠信心，要睇大家夾唔夾。」
關嘉敏與姜卓文、黃家俊玩遊戲，明顯較喜歡姜卓文。記者取笑她變成女追男，她笑言：「我個人都冇乜好驚，得番個膽，其實我係咪入錯節目？無論單身定係拍拖都係靠自己。」她直認對姜卓文比較心動，但了解後發現黃家俊也很好，可能陷入三角戀。
梁敏巧：Auntie都有市場
李芷晴於節目拒愛周嘉全，被觀眾批絕情。她說：「我同周嘉全識咗7年，冇心動過，相信以後都唔會，唔想浪費大家時間。但我最擔心會失去呢位朋友，慶幸都能夠保持友誼。」
梁敏巧於節目「零秒熄燈」拒愛63歲求愛勇者，以及送網紅Babyface出局，被網民指拜金。她表示多謝網民瘋狂轉貼其「醜樣相」：「如果有人搵我工作，酬勞OK嘅話，我素顏出鏡都可以。」對於林作取笑她是「Auntieface」，梁敏巧笑言：「Auntie都有市場，我之前啲男朋友都唔係才俊，最重要相處有安全感。」
