「冠軍底氣」輾壓熱刺 歐霸盃難逃「魔」掌
歐霸盃王者戰，熱刺與曼聯今夜假西班牙聖馬梅斯球場（畢爾包主場），上演全英對決。曼聯多年來踢盃賽決賽，大多數成為贏家，冠軍底氣完勝近年決賽大輸家熱刺。今仗對雙方而言都是拯救失敗賽季的關鍵大戰，預期爭持會相當激烈，不過紅魔鬼憑心理優勢，更有希望笑到最後，簡單捧曼聯冠軍。（NOW 643台周四3:00am直播）
兩軍目前處境相若，同樣經歷球會多年來最差時刻，在英超分別排在尾四及尾五位置。今仗若能一戰功成，除捧盃外亦可獲下屆歐聯參賽資格，可以「一鋪翻身」，落敗將迎來最失敗球季！故此兩軍近期都將所有注意力集中今仗，於聯賽成績慘不忍睹。曼聯歷來在各項賽事的捧盃次數都遠在熱刺之上，即使自費格遜離任領隊後戰績大不如前，但近20年來先後15次晉身盃賽決賽，贏出其中9次冠軍，包括2017年歐霸盃、前季英聯盃、及上季英足盃；相反熱刺自2008年捧英聯盃，贏得40年來首項錦標至今，17年來4次打入盃賽決賽，不但全數敗北，而且全部零入球，包括英聯盃先後不敵曼聯、車路士及曼城，2019年唯一一次打入歐聯決賽，亦以0:2負利物浦，延續失敗者厄運。
曼聯得中場得天下
熱刺續有中堅迪古辛、中場古路施夫斯基、占士麥迪臣、貝治華、前鋒史卡歷治養傷，另一名中場柏比沙亞上輪對維拉亦傷出，今仗上陣成疑；曼聯則只有中堅利辛度馬天尼斯養傷，其餘早前受傷戰將，包括守將莊尼伊雲斯、馬菲斯迪歷特、翼衛達洛治、前鋒約舒亞舒克斯，都已復操並有望復出。曼聯中場般奴費南迪斯剛當選球隊今季最佳球員，加上全面回勇的卡斯米路及防守力強的烏加迪，力足搶贏殘陣的熱刺，得中場得天下！
今仗是兩軍今季第4次碰頭，之前3次都由熱刺勝出，包括兩循環聯賽及英聯盃。不過在今屆歐霸進程的表現及成績，在賽事中仍保持不敗的曼聯更勝一籌，尤其上圈兩回合7:1大炒畢爾包令人印象深刻。何況曼聯上季已經有靠最後一項盃賽拯救球季經驗，球員落場心態好底氣足，非患得患失的熱刺可比。
