袁詠儀笑囝囝「有異性冇人性」
袁詠儀（靚靚）和「翻版林明禎」黃潔琪 （Miko）趁昨日母親節，專誠為主演電影《OMG！阿媽有喜》舉行首映禮。談到靚靚兒子「魔童」快將19歲，她笑言：「雖然今日（昨日）係母親節，但仔大仔世界啦！」問到兒子是否陪女友媽媽過母親節？靚靚說：「應該唔會啩！正確形容應該係『好』朋友，亦應該未到見家長階段，我只係見過個位女仔一次。（兩父子邊個眼光好？）大家都有傾準則，我都有笑阿仔有異性冇人性，佢反問我係咩意思？不過阿仔大個喇，應該識自己嘅朋友，拓展社交圈，做媽媽必須放手，而且我都唔能夠爆阿仔嘅料太多。總之做媽媽就難，問得多嫌煩，唔問又話唔關心。」
之後靚靚指兒子已跟她說過母親節快樂，並知道兩父子都有商量如何為她慶祝，所以充滿期待。
