變身廣告天后 林明禎：少少驕傲
大馬翻版攻港 笑言各有各靚
「大馬女神」林明禎昨日在港出席活動，將首次入馬場的她笑言會打扮靚靚問人攞貼士。她自爆將拍攝多個廣告，衣食住行樣樣齊，廣告數量更比去年多，可謂豬籠入水，難怪她笑言：「搞到我有少少驕傲！」
林明禎昨日以大使身份出席《婦女銀袋日2023》宣傳活動，她透露早前為大會拍攝短片，很期待感受賽事日的氣氛，因為是她首次入香港馬場，亦是全世界第一個踏足的馬場。
避談拍《飯戲攻心2》
問到對賽馬有何心得？她說：「有人教我可以揀自己鍾意嘅號碼、顏色，同埋睇馬匹嘅眼緣。當日我會着得靚靚去問人攞貼士，如果中咗獎就請大家食飯。」問到有沒有橫財運？她苦笑說：「從來冇贏過，冇我份！不過今次我會小注怡情，感受吓氣氛。」明禎透露今次來港除了出席活動外，亦會拍攝多個廣告：「有好多廣告要拍，衣食住行同打機都會見到我，多謝大家一直咁關照我。」她笑言今年大豐收：「應該比舊年拍得多，但依家未計算過，到12月先做結算，搞到我有少少驕傲！」
提到電影《飯戲攻心2》早前流出宣傳海報，演員陣容大幅改動，上集有份參演的明禎被問會否拍續集？她即大賣關子說：「我哋有協議唔可以講，如果有我，大家就去睇10次，冇我就睇1次吧。」下月她會返馬來西亞拍新片，雖然拍攝場地離家鄉新山有點距離，但家人已答允屆時會探班。對於同樣來自大馬的黃潔琪（Miko）亦進軍香港和台灣市場，更有「翻版林明禎」的稱號，明禎笑言：「我好似有啲出名，我唔認識佢，而且大家覺得短髮嘅女生似我，咁對其他女生唔公平，都係各有各靚。」
