丁子朗自問非完美情人
演渣男被網民斥「油膩」
無綫台慶劇《美麗戰場》播映第一周彈出「世紀賤精」鍾家琪（蔣家旻飾），她並獲封「女版丁有康」及「現代版姚金鈴」。本周隨着劇情發展，琪琪會暫時遠走他方，並於第10集強勢回歸與陳瀅在選美舞台繼續鬥個「你死我活」；而琪琪「暫別」後就換上「渣男」程裕進（丁子朗飾）接力發功。
上周已露出狐狸尾巴的裕進，背着女友小美（陳曉華飾）追求靜兒（劉佩玥飾）並加以誣衊，令好姊妹反目。本周裕進再下一城，玩弄小美感情兼食軟飯，前晚裕進以追夢為由再向小美苛索7萬至8萬港元，當小美為難地表示戶口唔夠錢時，裕進竟理所當然謂：「夠㗎！張卡都未碌爆！」
對於首度做渣男，丁子朗（丁丁）坦言留意網上有不少人鬧他「油膩」，並指渣男角色對他來說有點難：「我未做過咁嘅角色，通常我啲角色都係比較正面，所以要諗辦法拿捏番個位。」他指劇中最難忘對白是「我咁靚仔，唔係唔溝女呀嘛」，並謂收到劇本時很掙扎：「我會諗係咪真係要講，但導演話一定要。」問到現實中他是什麼類型情人時，丁丁謙稱：「絕對唔係完美情人，所以每次拍劇都令我學識，原來咁樣做會令對方唔開心，然後不斷儲經驗幫自己改善。」至於為何睇中他做渣男？他笑謂：「渣男係要表面正氣同靚仔先至凸顯到內裏嘅渣，所以特登喺公司搵個老實嘅臉孔。」
藉拍劇吸取戀愛經驗
前晚故事穿梭於2006年及2022年之間，阿寶（陳瀅飾）與靜兒亦由原本的閨密變成針鋒相對的陌路人。對於現代版的阿寶及靜兒，網民明顯更受落，大讚二人好型，劉佩玥更被指具備宮鬥女強人Style，並指她成功演繹到2006年及2022年角色性格及心態上的分別；除了劉佩玥，前晚選美佳麗采華（葉蒨文飾）、晶晶（郭柏妍飾）及保姆Cat姐（樊亦敏飾）亦十分出彩，面對采華打晶晶毒針，Cat姐不但未有中計更直斥采華：「咩叫唔好話你篤人背脊啫，你根本就係篤緊佢背脊啦，我淨係問佢去咗邊啫，你講咁多嘢做咩啫。唔好話我話你吖，唔抵得人哋熱門呀依家！」大快人心兼勁有霸氣，不過Cat姐雖看似正義，但卻似乎與阿寶有牙齒印，阿寶更咬牙切齒向着她謂：「你唔記得唔緊要，我鍾家寶喺呢行出名記性最好！」
