姚焯菲歌視雙線發展 否認父贈豪宅
比賽後首項工作不清楚酬勞
《聲夢傳奇》冠軍炎明熹(Gigi），昨日聯同姚焯菲（Chantel）及鍾柔美（Yumi）到中環出席品牌活動，首次獲邀出席品牌活動的她們齊聲表示不清楚活動酬勞，但Yumi表示很開心有這個機會向大家展示產品。
談到有傳TVB有意安排她們組成女團發展？Chantel說：「唔清楚，家忙緊追番啲功課，同埋8月嘅演唱會。」Yumi則說：「其實我哋都未清楚，順其自然啦。」Gigi說：「公司冇講過，（想獨立還是組女團發展？）組女團一齊玩會開心啲，但單獨發展又可以學到唔同嘅嘢，各有好處，（盛傳用你們來對撼MIRROR？）MIRROR係前輩，都想向佢哋學習，唔存在對撼心態。」
對於副總經理曾志偉表示下個月會開拍劇集給《聲夢》15位學員參演，Chantel笑言可以唱歌及拍劇同時進行：「我哋仲細個，可以透過拍劇累積感情，對唱歌都有幫助。」工作排得密麻麻，問到她們可擔心影響學業？Chantel表示成績都維持到；Yumi就坦言參加比賽初期的確有影響，學業跟不上，但之後慢慢習慣，學業成績還可以。暑假過後Yumi及Chantel將升讀中四，Yumi表示想修讀理科或商科，而Chantel亦同樣想讀商科，因自己在理科方面不太叻。在《聲夢》中未能捧獎的Chantel，被問到有傳她獲父親送贈2000萬豪宅作安慰？她說：「唔係送畀我，係爸爸用來投資，我名下未有物業。」
Gigi不怕返學變風頭躉
至於Gigi就坦言成績一向麻麻，反而參賽後成績有進步，因不想因參加比賽而退步，覺得要勤力趕上其他同學。暑假後她將升讀中五，問到她可怕返到學校會變成風頭躉？「我覺得唔會，返到學校要有學生模樣，唔會覺得參加咗比賽好犀利，同我好好嗰幾個同學都有約我食飯慶祝，隔籬班都有同學傳短訊恭喜我，（計劃暑假返汕尾探望父母？）真係要睇公司安排。」
