鄭秀文扮異能人拍MV
花兩年時間覓新歌歌詞
鄭秀文（Sammi）以「異能人」造型拍攝新歌《新造的人》MV，單是其中一個比喻「母胎」的場景，就花了6天搭建，拍攝超過20小時，「母體場景比喻初生嬰兒對未知世界感到恐懼或新鮮感，我非常喜歡，可以表達好多面情緒和故事。每個人出生前都不知道外面世界是怎麼樣？有很多未知數，但又好像早已寫在生命冊內。」另一幕淋雨亦令她很有感覺，「淋雨對我意味生命嘅洗禮，每個人經過種種洗煉之後，最終就會成為一個新造的人，雖然這一幕開始是雨水，但對我來說既是汗水又是淚水。」
MV中Sammi飾演一個有異能的人去拯救朋友和以往唔好嘅自己，從而成為新造的人，而7位飾演她朋友的演員各有特色，Sammi說：「帶出每個人都係獨一無二，都可以成為自己新造的人嘅訊息。佢哋嘅造型脫離現實，營造未來的感覺。」她更花了足足兩年時間物色歌詞，「揀歌詞我憑直角，其中一段特別令人血液澎湃，唱嘅時候我投放好多唔同情感，好有energy，我甚至幻想到，喺演唱會唱呢首歌時會帶出好高嘅能量。」
