劉丹承認楊冪少見女兒
東京奧運會將於本周五開幕，昨日處境劇《愛·回家之開心速遞》的一班演員進行迎奧運活動，分組玩「劍擊」及「空手道」體育項目遊戲。其中劉丹表示凡體育都鍾意睇，「有肉我就睇，足球、西洋拳一定唔會放過，因為以前玩過吓。」對於有指前媳婦楊冪因疫情已成年時間沒見女兒「小糯米」，劉丹也不否認，問到孫女可有跟媽咪視像？「唔知有冇，但小糯米有部電話，都係有限度用，（聽過孫女話掛住媽咪？）咁又冇，疫情都好難見。」他又透露孫女快將升讀小二，平日最愛畫畫，有家人生日就會畫生日卡，而今個暑假已安排孫女學網球、高爾夫球及畫畫。
