Bobby獲贊助美容減肥
平日懶做護膚日久失修
歐陽震華（Bobby）與太太、郭思琳及商天娥等昨出院美容開幕禮，Bobby自言平日懶做護膚，老闆娘甫見他便指他日久失修，更提出贊助他做美容及減肥療程，他笑說：「有部減肥機可以減到條腰幼過陳凱琳，講笑， 陳凱琳咁瘦，我怕支撐唔到上身，（剪綵收友情價？）都有啲，老闆娘要求我減到有6塊腹肌就出任代言人，不過我未開始減，我得170幾磅，好瘦。」他又爆太太驚死，所以好勤力一個禮拜做兩日運動。
郭思琳早前公開向前度男友追討7位數欠債，她指現時情況有少少膠着狀態，「佢係有誠意還錢，但唔夠現金，所以佢提議用虛擬貨幣做抵押，有錢再還畀我，我家問緊律師意見。」之前傳她一腳踏兩船暗撻吳浩康，問到現時可有拍拖？她說：「隨緣，只係想快啲搞掂啲錢先，女人冇錢冇安全感。（吳浩康可有幫手？）私事唔需要任何人幫，（你們是否拍拖？）是朋友關係，再長遠之後再算。」
