余德丞 蔡思貝關係唔太熟
未知緋聞女友患風癩入院
方力申（小方）、姚子羚、 余德丞（Dickson）、陳庭欣及林溥來等昨出席無綫《2020 東京奧運會》 記者會，主持之一的小方周五便出發往東京採訪東奧，並會逗留整個月，但因忙於拍《鬼上你架車2》，至今仍未執行李，而出發前一晚還會去睇黎明演唱會，幸好不是搭早機。
近日小方被問到會否翻撻舊愛鄧麗欣時，他回應指大家連朋友都不是，因而被網民指他欠得體。小方解釋自己只是開玩笑：「好明顯係講笑，我再講一次，嚴格嚟講，我係佢fans，唔係朋友，因為網絡世界要互相follow至係朋友。」他又笑稱這幾年私下都有一班人見面食飯，像fans跟偶像食飯。說到他這樣說法好像落閘？他否認道：「唔係落閘，講笑啫，（唔排除復合機會？）冇諗過呢個話題，（依家有冇拍拖？）冇。」
有份為東奧擔任主持及評述的Dickson，暫時未知會被安排評述哪項運動項目，他說：「5年前我有去過巴西做奧運，希望當年嘅採訪經歷可以拎返嚟用，（今屆冇份去東京採訪？）去過一次就夠。」他日前踢波不慎整損左邊面頰，昨日靠化妝遮蓋，說到曾跟他傳緋聞的蔡思貝早前患上風癩入院，他聞言後反應甚大：「吓！咁誇張？我知佢開緊兩套劇，我媽咪話可以搽酒餅喺患處，（你唔教思貝？）我都唔知佢生風癩！大家終於發現我同佢其實唔係好熟。」說到終於有人比他的身體更孱弱，他即指思貝其實比他強很多，拍劇時又打又跳。一直予人「孱仔」印象的他又為自己澄清：「只係大家認為，我不知但幾堅強，可以堅強100次，同埋好勁揪。」
姚子羚澄清與龔嘉欣沒不和
另一主持姚子羚最近與好姊妹龔嘉欣合作新節目《仨心友行2》，子羚透露共拍了8天，因要在玻璃屋入面拍，現場高達40幾度，室內還熱過室外，幸好沒中暑。節目監製黎諾懿每日都給她們不同挑戰，節目內她除以村姑Look示人，還要扮蔬果人：「諾懿第1次監製真人騷，為增加神秘感，事前我都唔知有邊個參與，我因為同嘉欣用同一位化妝師，先知對方有份參與，我都係好後先知王君馨一齊拍。（與嘉欣已冰釋前嫌？）從來都冇嘢，係外間講啫，我哋以前又飛過去馬東西亞做節目，大家有晒默契。」
