獲天王伴舞 鄭秀文超驚喜
為黎明紅館個唱擔任嘉賓
黎明（Leon）前晚在紅館舉行第二場演唱會，契爺胡楓（修哥）、霍啟剛與太太郭晶晶、蔡一傑及童愛玲等現身捧場。當晚表演嘉賓為鄭秀文（Sammi），Leon分享自創「風呂減肥法」令她哭笑不得，二人合唱《信者得愛》時，Leon戴黑超伴舞又Rap歌，令Sammi超驚喜，大叫：「Leon跳舞呀！」
Sammi經常在社交平台分享做運動致滿頭大汗的片段，所以她一出場，Leon即表示見到她做運動流很多汗，問她可想知道他怎樣Keep Fit？並說：「我係用日本風呂式，首先開個Bath，除衫，然後浸落去。諗住自己喺日本，聽風呂音樂浸20分鐘，起身着番件浴袍，房入面開28度空調，食碗辣麵，坐15分鐘，成身流晒汗，肯定冇咗3至4磅。」Sammi打趣笑他每個程序都熱辣辣，包他流埋鼻血。Sammi又笑說：「又浴缸又除衫，好有畫面……見到你啲肥肉呀！家冇，家好Fit！」Leon說：「肥肉會慢慢變少，水分嚟啫！」
勾起演唱會癮
Leon再向Sammi請教節食減肥，他表示有些人減肥每日只食一粒豆，問她可有試過？Sammi說：「一粒豆？呢個唔係減肥法，係減壽法喎！一日一粒豆真係唔掂，起碼食兩粒，早晚各一粒，飽啲！」全場爆笑。講到興起，Sammi又爆Leon唔知由幾時開始個人好飄，好迷離，幾年前他主動致電Sammi表示幫她監製一首歌，又謂要幫她拍MV，結果他找來與Sammi的共同老友雷頌德幫她寫了歌曲《犀利》，但突然又說沒空不幫她拍MV了，Sammi笑說：「乜你咁飄㗎？你啲節奏好難跟呀！」Leon坦言自知成日講嘢斷片，生活也如此，Sammi說生咗仔會無記性，Leon說：「又唔係我去生。（生女可能會好啲。）可能係，哈哈哈！」之後二人合唱《信者得愛》，Leon不但戴上太陽眼鏡伴舞，更Rap歌，Sammi和觀眾都非常驚喜，全場歡呼尖叫！事後，Sammi在社交平台上載與黎明合唱的片段，留言：「Mi的『信者得愛』成功打開了Leon的……腿和腳，黎生跳舞！好狂野！城城見到應該會雙腿發軟怯一怯。（I’m just kidding la!! 城城是the best 舞王）Mi在台上忍唔住狂笑。Leon 跳。舞。Mi 。 唱。歌。哈哈！今晚好好玩。」當晚也勾起她的演唱會癮，表示要快快想concert的事了。
