修夫基成輸波罪人負全責
英格蘭決賽飲恨，「足球回家」不成，賽後各界矛頭均指向「三獅兵團」教練修夫基（見圖），而曾以球員身份在96年射失12碼，導致英軍4強出局的他，今次亦決定承擔所有輸波責任。
「三獅兵團」今場開賽閃電領先，但其後卻選擇退守，結果英軍與意大利全場射門次數是6:19，控球率更只得34.4%，全場落入下風，而兩大箭頭哈利卡尼與史達寧均錄得零射門，足見修夫基的戰術極為保守。到加時至119分鐘，修夫基再換入查頓辛祖與拉舒福特主射12碼，無奈這奇招最終卻害慘球隊，二人在熱身不足下，齊齊射失導致失冠。
C朗拿度奪金靴
修夫基賽後表示：「全部都係我責任，係我揀佢哋主射。我從練習中定出主射次序，呢個係場賭博，假如早咗換入佢哋，都有可能喺加時戰已經輸波啦！我哋下半場冇做好保護控球權，令到戰況逆轉。」值得一提，英格蘭射手哈利卡尼今場未有進賬，今屆僅入4球，金靴獎終落入錄得5入球1助攻的葡萄牙球星基斯坦奴朗拿度手上。
