謝賢檢點行為 做好榜樣
自豪霆鋒超乖冇招人話柄
84歲謝賢（四哥）與林家棟一起為電影《殺出個黃昏》做宣傳，久沒拍戲的四哥，對於今次再出山，他笑言並非監製家棟「氹」他，而是他自己落疊：「最初覺得個死?仔要拍我？結果拍出來又幾好，不過如果唔對路會感覺到，我會即走，我做咗演員咁耐，呃我唔到。」
問四哥戲中有哪場戲較難忘？他笑言忘記了，「拍完就忘記晒！我15歲就出來拍戲食呢行飯到家，以前屋企阿爺、阿嫲、8兄弟姊妹都係靠我養。」家棟在旁笑他是「搖錢樹」，四哥說：「我真係一個人養成家，但也不辛苦，也不是話大把錢，是有收入啦！」四哥坦言當年幾乎誰叫到都拍，一年拍了多少部戲也多到忘記了，合作的女演員之多，他都記不清楚，但相隔60年再於《殺》片中與馮寶寶合作又如何？四哥幽默地說：「我垠家都唔記得佢個樣，但見到時又識喎，太多嘢喺腦裏面！（記得女兒婷婷嗎？）婷婷更加唔記得啦！」
雖然四哥在圈中地位崇高，但家棟表示他一點都不難服侍，只要給他吃蛋撻、可樂和牛腩麵就搞掂，唯一最惡搞是要他在戲中被「孫女」鍾雪瑩激到要講粗口，因為四哥有質疑是否需要講粗口，結果拍了兩個版本，最終也選用了有粗口的版本。提到四哥今次不顧形象，全程投入演一個落寞老人家如何面對人生未來，令人動容，更被看好能夠在來屆香港電影金像獎爭做影帝，四哥反問：「真係？可能佢（家棟）畀咗藥我食！」過去四哥只拿過金像獎及金紫荊的終身成就獎，問他會否也期望拿影帝獎？四哥笑說：「如果邊個攞，我就打邊個，邊個敢攞？」家棟即問他敢不敢攞？四哥笑答：「我希望啦！（霆鋒已拿了最佳男主角，你也拿就無憾？）都希望啦！」
家有8衣櫃直認貪靚
問到會否約囝囝霆鋒一齊睇戲？「佢見到我都擰頭，不過阿仔好乖，無畀人有唔鍾意嘅地方被人話，乖得好犀利，我做到個榜樣，如果我又食煙、賭錢又媾女，他實老竇都唔認，阿仔真係一個好正直嘅人。」家棟笑問自己又怎樣？四哥答：「你唔係，唔識你，唔係好熟。」家棟裝作埋怨指四哥戲拍完錢收了就這樣，四哥即反擊：「你估佢會畀好多我？」家棟澄清自己貼錢出來給他做片酬，四哥不領情說：「或者你袋咗都未定，但我都會繼續拍戲，有寄託，總之做人要開心，就來『拉柴』啦，不過我都唔捨得咁快離開。」家棟又爆料指四哥好貪靚，家中有8個衣櫃，80多副眼鏡，又有器械床將自己倒吊充血練體能。四哥直認貪靚，「做演員出面見人，都叫做明星，無理由一身爛衫着住拖鞋，要有少少派頭。」提到霆鋒好喜歡穿拖鞋爛牛仔褲？四哥笑謂他初時不懂才這樣穿，不過自己都有剪爛過幾條牛仔褲一個個窿：「潮流興嘛！」場地提供：Palco Ristorante（海港城）
