尼日利亞有NBA「血脈」
尼日利亞雖是冷門球隊，但其實實力絕不簡單，陣內坐擁8名現役NBA球員，在今仗熱身賽全隊狂灑3分雨合共射入20球3分波，其中熱火後衛加比雲遜為尼日利亞攻入全隊最高的21分，當中更射入6球3分波，將是今屆奧運爭逐獎牌黑馬。
尼日利亞隊主帥目前是NBA球隊勇士的助教米克布朗，今場防守的針對性相當明顯，效率亦顯著，相信球迷都有目共睹，他在賽後表示：「今場比賽贏波我真係好興奮，但其實我哋可以打得再好啲。我唔認為有來自非洲嘅球隊可以真正咁擊敗美國隊，我替我嘅球員感到高興，佢哋有努力付出過。」
