黎瑞恩望延續互助互愛精神
組義工隊幫長者登記消費券
香港特區政府派$5000電子消費券已於7月4日開始接受市民網上登記，向來關顧長者的黎瑞恩想到不少公公、婆婆未必識字或不懂得如何上網登記申請，故突發奇想組成一隊義工隊幫長者登記，又特別租了一部流動廣告車讓公公、婆婆們很舒服地上車慢慢登記和查詢，義工亦不用曬到傻。小恩子更答謝租車公司老闆，在她沒透露名字下，得知她的想法是幫人，便連租車費、司機和貼車身的廣告貼紙全部免費，令她感動到眼淚都標埋出嚟，嗰刻覺得香港真係有好多有愛心的人！
小恩子又指首天登記都好驚網絡server會「冧」，幸得到有經驗義工和司機哥哥帶路下，義工隊連續跑了幾個偏遠地方和屋邨，3日間共幫了7百多位長者登記申請，當中不少是獨居老人，亦有做清潔工和地盤的工友：「雖然人數好似唔係好多，但幫到幾多就幫幾多啦，好多公公婆婆講：『我唔識字架，好彩有你哋！』深深感受到好多人係需要幫忙嘅！」最後小恩子答謝一班好朋友義工的幫忙，連續3日日曬雨淋，汗流浹背齊心做這件事，令人好感動，希望這一種互助互愛的精神能繼續有多些人參與！
