舒米仔繼承父志未驚12碼
丹麥傳奇門將舒米高於1992年歐國盃4強戰對決荷蘭時，在互射12碼階段神勇救波，帶領丹麥殺入決賽兼捧盃。今屆歐國盃丹麥亦有「舒米仔」卡斯柏舒米高為丹麥的大門把關，可望再續父親當年勇，以出色表現帶領丹麥闖入決賽。
舒米高未為「舒米仔」感到緊張，因為他相信兒子已證明自己是頂尖級別的守門員。舒米高受訪時被問到丹麥在4強與英格蘭一戰時有機會踢到互射12碼，他似乎對兒子的表現充滿信心：「我幾肯定佢嘅感受同我一樣，呢個會係另一個挑戰，你要去克服佢，因為呢個就係作為守龍門要做嘅事。」他又指：「我覺得佢會諗番起上次丹麥喺歐國盃4強嗰時互射12碼贏咗，佢會帶住我當年嘅意志去應付今場比賽。」
