關嘉敏打拳熱舞 圓嫲嫲遺願
無綫全新綜藝真人Show《盛·舞者》昨晚首播，藝人代表之一的關嘉敏（卡文），同時又參加《明星運動會》拳擊比賽，每日直踩接近16小時備戰，可謂Chur盡了她，「我朝早3至4個鐘拳擊訓練，再緊接排舞到凌晨3、4點，所以成個6月好唔夠瞓，係非人生活。」不幸的是在《盛》節目Casting前夕，痛錫她的嫲嫲不幸離世，「好記得嗰日佢火葬，我朝頭早喊到豬頭咁，但下晝就去Casting。（點平復情緒？）我不斷回想之前佢同我講：『我好想睇到你喺電視上面跳舞，同做得愈嚟愈好呀。』所以我要盡力做到畀佢睇，唔想辜負佢。」
