瑞士強勢怕你有「牙」
歐國盃8強周六凌晨開打，打頭陣先有瑞士大戰西班牙，賽事於俄羅斯聖彼德堡中立場上演。兩軍上輪都經歷峰迴路轉戰況晉級，其中瑞士以弱勝強爆冷踢走法國，士氣大振，今場乘勇出擊，縱有隊長格列沙加停賽，一樣有力在90分鐘不敗，「讓球主客和」[+1]主勝值得捧場。（now 616及618台周六12:00am直播）
瑞士上場戰至互射12碼才淘汰法國，比賽中曾大幅落後1:3，卻在完場前入波扳平，盡顯超強鬥志及高昂士氣。大軍今場雖有格列沙加累積黃牌夠數停賽，但陣內包括施費洛域、梳頓沙基利及門將恩尼森馬等，均狀態一流，信心十足之下，要再創奇跡晉級亦非出奇。
事實上，西班牙在今屆賽事表現普通，分組賽3戰1勝2和，16強與克羅地亞既先輸烏龍波，又在法定時間末段連失2球被逼和，最終即使戰至加時贏波，但對於賽前被全面看好的他們，仍帶來一定打擊。球員信心受挫，前鋒艾華路莫拉達狀態反覆又是隱憂，今場要法定時間贏波，難度太高。
