馬國明：搵餐飯仔食下
逗留內地個多月做商演
馬國明之前一直在內地工作，直至昨日才「歸隊」聯同岑麗香（香香）、商天娥、吳岱融及龔慈恩等出席劇集《寶寶大過天》宣傳活動，馬明見到劇中女兒童童，即上前抱起「女兒」，並露出一副慈父樣，更直言一直都不抗拒做爸爸，被商天娥笑他：「好快就到佢。」
在內地逗留了個多月主要做商演的馬明，被問到是否豬籠入水？「唔係，搵餐飯仔食下啫，公司話我唔夠騷，唱咗4、5場，原本冇咁快返，但10幾日前收到公司通知，要返嚟拍新劇（《隱形戰隊》）。」有傳《隱》劇原本由陳展鵬主演，但現在「變陣」由他頂上，「我唔介意，公司調動好正常，我只怕唔夠時間訓練，支輕機槍都有10幾磅重，仲重過《寶》劇中個女。」問他是否想早日做爸爸？他表示隨緣，但也覺得小朋友很可愛。問他可會叫香香過兩招？「係都請教佢老公啦！」香香表示現時要湊2個小朋友已很忙，故暫不考慮返內地登台。
朱斐斐劇中飾演印傭姐姐，演出入型入格成功吸引觀眾注意，她笑說為了演出神似，拍攝時不單用上馬明的底妝顏色，事前又到中環觀察印傭姐姐的言行舉止，同事更介紹自己的印傭姐姐，錄音教她說話的口音。
