謝嘉怡自知廣東話麻麻 有心唔怕遲
同屆港姐紛紛入劇組
謝嘉怡、何依婷、張寶兒、陳曉華、余德丞及丁子朗昨到尖沙咀出席明珠台《光影時刻星期日》記者會，眾人在會上分享人生中最珍貴的時光。入行前當護士的謝嘉怡表示最想回到2019年3月前往贊比亞做義工的日子，因覺得很有意義。
剛由蘇格蘭返港並完成隔離的謝嘉怡，表示此行主要是出席Auntie的喪禮，「Auntie冇兒女，一直視我如女兒，自選港姐後已一年沒見面，Auntie啱啱過咗100歲生日無耐就走咗，佢一向好健康，成日游水，所以我好傷心，不過家都OK。」而她跟媽咪亦近一年沒見面，問到媽咪見她回家是否很開心？「我先後預訂3次機票都因疫情取消，所以今次未成行都不敢通知她。」回港後，嘉怡即跟同屆港姐聚會，談到多位港姐都入劇組，快將卸任的嘉怡表示都想拍劇，但自知廣東話麻麻，不過有心不怕遲。對於新一屆港姐即將舉行，她表示未有時間睇報道，但知道有很多混血兒參加都很開心。
張寶兒車牌數目追平老公
張寶兒早前在個人頻道分享首次開棍波車的影片，但駕駛技術似乎麻麻，她承認技術有待改進。問到是否嚇怕老公袁偉豪不再借車給她？「他係好鍾意車，但都唔係好驚，車係佢另一個老婆。（呷醋？）識佢第一日已經知道。」她笑言老公開車比較嚴謹，雖然語氣較強，但不是罵她，當年她考棍波車及電單車牌時，老公都想跟在後面，但被教練拒絕，指他這樣做會令她緊張。考取了私家車、輕型貨車、電單車/機動三輪車車牌的寶兒，笑言因為想追上老公的車牌數目，目前已經追平。她又透露老公有意去考巴士牌，因想體驗開大車的感覺。活動上，寶兒透露有寫日記的習慣，「相識同鬧交都有記錄，只要係重要嘅事都會記低。（不怕老公睇？）佢唔鍾意睇字，佢有心睇我都開心。」
何依婷在台上表示最珍貴的時刻是兒時跟爺爺嫲嫲相處的時刻，近年嫲嫲因器官衰竭要入住療養院，但因疫情關係醫生不建議家人前往探望，她已一年冇見嫲嫲，「醫生話除非她情況嚴重，就會畀我哋去見最後一面，咁我寧願唔見。」她邊講邊眼濕濕，怕嫲嫲以為他們不去探望而不開心，「嫲嫲現在88歲，係佢湊大我，所以感情好好，爺爺仲健在，家好健康，我放假都會去陪佢。」
