史東斯：我哋已經練好12碼
英德大戰，不少球迷第一時間想到是過往的經典12碼對決，而在今場溫布萊對決之前，英格蘭中堅史東斯坦承球隊上下已為這關鍵時刻做好準備。相反，德國前鋒夏維斯卻相當自信，聲言會爭取在90分鐘解決對手，練射12碼只為不時之需。
英格蘭過往從未在歐國盃淘汰賽階段法定時間擊敗德國，更曾在96歐國盃4強被「日耳曼兵團」踢走。對此，史東斯表示：「我哋家做最多，咪就係盡力去練習，當輪到邊個主射，我哋都知道點做。」英軍在2018世盃對哥倫比亞曾射贏12碼，史東斯補充：「我記得當時我係射第7個，氣氛梗係得人驚，但我因為練習足夠，已經做好準備，感覺已係最舒服狀態。」
另邊廂，夏維斯指出德國未有特別作太多的12碼練習：「我哋想喺90分鐘內贏波，當然場波有可能要靠互射12碼分勝負，但我哋冇過分緊張，準備120分鐘比賽先係最重要。平時收操之後，我哋會射番幾球12碼，睇吓邊個射得最好囉。」
