米杜頓爭氣 怒轟38分

  尾節大爆發打沉鷹隊

  公鹿二哥米杜頓爆發打出爭氣波!東岸決賽第3戰中,米杜頓全場打出38分,於第4節更憑一己之力打沉鷹隊,帶領公鹿作客113:102贏波,總場數領先至2:1。

  今場比賽兩隊互有領先。直到最後一節,米杜頓大爆發,引領公鹿單節贏30:17,其中他一人轟下20分,較鷹隊全隊更多,奠定今場的勝局。值得一提,本局米杜頓於第4節得20分,成為公鹿近25年季後賽中第2位在單節拿到20分的球員,首次達標者亦是米杜頓本人。米杜頓全場砍下38分11籃板成今場最大功臣,安迪杜甘普亦拿下33分11籃板,是他今年季後賽第9次獲得30+10。

  「呢場比賽真係好艱苦,對手實力好勁,佢哋攞到分之餘,防守都做得好好。」這場功臣米杜頓表示:「最後一節我搵番手感同節奏,我哋開始嗰陣投籃一般,好彩我哋喺啱嘅時間打出狀態。」另一功臣「字母哥」更對米杜頓讚不絕口:「你退役嗰一日,一定係我生涯最艱難嘅一日。」

  崔楊格離奇受傷致輸波

  本來手感火熱的崔楊格在第3節尾段誤踏球證腳背以致受傷,短暫退陣後在第4節帶傷回歸,但手感未如理想,4投僅1中。鷹隊其後無法追上比分,崔楊格意外受傷成為了這次落敗的關鍵,賽後接受採訪表示:「呢個係一次奇怪嘅意外,嗰陣我睇唔到佢,我諗家要留意下我身後嘅人。」他在本局亦為鷹隊貢獻35分。