薛家燕不急設教育基金

  乖孫剛滿月改名石汶栩

  上月榮升做嫲嫲的薛家燕(家燕姐)昨到荃灣出席代言的廚具品牌活動,並即場示範廚藝,而現場亦有福袋派發,吸引不少街坊索取。

  家燕姐表示前日(26日)剛好是孫仔滿月,一家人在屋企簡單食飯慶祝,新抱準備了豬腳薑、燒肉、紅雞蛋,還有煲湯,她給了孫仔利是,「個仔上星期度過第一個父親節,我又第一次做嫲嫲,心情相當興奮,我哋成餐飯都係講BB,(是否爭抱孫?)孫仔開始認得人,好得意,我成餐飯都抱住個孫,驚食完飯個孫又瞓咗。」她又透露乖孫已改名石汶栩,是親家請師傅改的,而英文名就叫Julian Paul Shih,希望他聰明伶俐,快高長大。她稱李居明師傅都指她孫仔的面相及八字都生得好,令人羨慕,而孫仔出世一個月已重十磅多,貌似爸爸。問到乖孫是否已「斟茶」給她?她笑說:「一早『斟咗茶』畀我啦,冇預防到,依家每次幫佢換片要即刻遮住。」問她會否希望兒子和新抱盡快追多個?她指新抱仍坐月中,加上餵母乳已很辛苦,讓她休息一下先,不想給他們壓力,當然生多幾個兒孫會更開心。問到會否為孫兒開設教育基金?她表示不用太急,兒子及新抱會安排。