蔣家旻緊張至標汗
與何廣沛拍接吻戲
馬德鐘（馬神）近日忙於拍攝新劇《雙生陌生人》，並分飾事務律師及律師樓師爺兩角，有時角色更會互換身份扮演對方，令到入行多年的他亦感混亂，他笑說：「拍呢套劇難度在於有時着住戲服都搞唔清自己演緊邊個角色，成日都要問人。」
蔣家旻（Angel）在劇中飾演事務律師，為了揣摩角色，她早在開拍前兩個月已向做律師的好姊妹朱千雪請教，她說：「她畀咗好多意見同分享好多法律界嘅嘢，平日返工處理案件嘅經驗，又安排我跟佢同事去法院旁聽，好真實了解咗一個真正大律師喺法庭上係點講嘢，原來同戲劇係有少少分別。」而今次是她首次與何廣沛合作，並有接吻戲，拍攝時她緊張得標汗：「我好少拍接吻戲，因為要拍唔同角度，所以要Kiss幾次，每次Kiss都超緊張，諗番起錫落佢啲鬚根度，即刻好敏感，要捽大髀。」再次飾演師爺角色的廣沛，首次為角色留鬚，對於Angel與他拍接吻戲緊張到標汗，他笑言與他無關，全因夏天拍攝現場比較熱。
