李幸倪甘為貓兒獻血
李幸倪（Gin Lee）近日再度為時裝品牌拍攝新廣告，在酷熱氣溫下與貓咪結緣，走到郊外拍外景，她笑說：「今次想延續上輯廣告嘅信息，跟住貓咪足跡，發現愛護大自然的重要性，我覺得好有意義而且非常有故事性，所以絕對唔會介意拍外景。」
甚有動物緣的Gin Lee與小貓甚為合拍，休息期間小貓還躺在她身上睡着，令她動彈不得，「可能小貓見我化妝坐喺度唔郁，咪跳上嚟休息吓囉，呢個係培養感情嘅方法，梗係唔可以趕走佢啦！但係戶外有好多蚊出嚟『搵食』，我怕太大動作會嚇親貓貓，所以畀蚊咬到又紅又腫。」
