謝賢與新演員零代溝
處男謝票慶祝父親節
林家棟監製、謝賢（四哥）及馮寶寶主演的電影《殺出個黃昏》將於7月15日上映，過去兩周先後舉行5場優先場，前日父親節四哥更「處男下海」，聯同家棟及導演高子彬首次到戲院謝票，有影迷大舉手幅迎接偶像，全場觀眾超級興奮，掌聲歡呼聲此起彼落！有觀眾要求四哥即場獻唱電影片尾曲《倦》，四哥笑言：「留番下部，到時我唱主題曲，如果我唔唱你咪同我絕交囉！哈哈！」
謝票後四哥接受訪問，對於今次處男謝票，他興奮說：「好多影迷由細睇到我大，睇到我今時今日，多謝佢哋嘅擁抱。（跟新生代演員合作有否代溝？）我仲後生過佢哋，我做啲嘢佢哋唔敢做㗎，有時講笑呀，講嘢失禮啲，佢哋唔敢㗎！佢哋見到我好似一個老師咁，所以我好錫佢哋。（有否教新人演戲？）呢啲冇得教，演技係發自內心，呢個係我咁多年嘅經驗，因我一世人未做過其他嘢，淨係拍電影！（可有信心問鼎來年金像獎？）我都希望，睇吓點樣動啲腦筋攞個獎番嚟！」家棟表示：「我相信觀眾入場睇戲都無諗過四哥會出現，其實係四哥自己提出，不如去戲院同觀眾一齊慶祝父親節！導演聽到都即刻同屋企人請假，我當然開心奉陪啦！」
