三獅兵許諾奪冠全隊染金
要數英格蘭今次大軍最出位球星，曼城天才菲爾科頓肯定是其一。早前染了一頭金髮的他，為的是向名宿加斯居尼在96年歐國盃出色表現致敬，而最新玩法，是他已要求一眾隊友，一旦「三獅兵團」在今屆奪標，將會全隊「染金」慶祝，認真搞笑。
英格蘭已經有55年未嘗在大賽封王，菲爾科頓特意搞搞新意思，望刺激大軍鬥志：「我同大家講，如果我哋攞冠軍，全部人都要剪同我一樣嘅髮型，佢哋全部同意，我真係好期待呀！我記得以前羅馬尼亞都做過，家我都想試，肯定好過癮。」也許菲爾科頓忘記一點，羅馬尼亞在98世盃分組賽期間，突然全隊染金髮望提升士氣，豈料隨即在16強止步，唯有希望英格蘭今次不會「出事」吧！
