莫文蔚直踩20小時仍覺享受
以多個性感造型拍攝新MV
即將於紅館舉行個唱的莫文蔚最近推出多首廣東歌，繼廣東新歌《因一個人而流出一滴淚》與《The Way You Make Me Feel》及經典重唱的《戀一世的愛》、《初戀》後，終於推出全新重點單曲《婦女新知2021》，在歌曲MV中，她更以多個性感造型亮相，令人眼前一亮。
莫文蔚（Karen）於2000年推出了《婦女新知》，談及當下時代女性的生活與心態，她們懂得炮製Tiramisu，最喜歡購物，有事就會食、買、瞓，更會放大愛情，希望找個「好男人」。相隔21年之後，Karen覺得她們應該有了第二個身份，那麼她們會變成怎樣呢？於是邀請原曲填詞人黃偉文（Wyman）再次合作，填寫全新作品《婦女新知2021》，為這班女性的生活與心態作出新詮釋。來到2021年，這班女生廚藝應該更上一層樓，會懂得烹調豉油雞，而天生購物狂的她們，現在購物已是貴精不貴多，思想依然獨立自主，不再是愛情至上。Karen看過歌詞，覺得真的一矢中的，更說：「首歌未必係我自己嘅完整寫照，反而我最想講時下女性心態係點。」
初出道已鍾意試唔同形象
至於新歌MV就以誇張手法，用色彩斑斕的顏色拼湊，Karen以多個搶眼造型登場，包括鮮豔奪目的浴袍、高衩長裙及低胸連身裙look配以假髮造型，每一個都性感非常。Karen解構MV造型說：「正如歌詞所講，時下好多女性有咗自己伴侶，唔一定已經成為家庭主婦，但內心仍然好貪靚，對保持美態仍然有份渴望，廚藝又會大躍進，呢個MV就係想展現女性嘅呢一面出嚟。」由於要不停轉妝換造型，又要配合MV構思就位拍攝，以便後期的3D畫面加工，另外同一日要兼顧拍攝演唱會的片段，結果Karen與團隊花了20小時才完成拍攝。雖然拍攝時間很長，但Karen十分享受，更說：「初出道嘅時候好鍾意試唔同嘅image，好耐未試過咁多咁大膽咁千變萬化嘅造型喺我嘅MV出現，幾個造型都好繽紛好特別好過癮，即使拍攝時間好長，但出嚟效果好滿意、好值得。」
