吳業坤聲稱冇非分之想

  有意為姚焯菲搞歌迷會

  吳若希、吳業坤(坤哥)、譚嘉儀及李璧琦等前晚為《勁歌金曲》 錄影,吳若希出道前曾跟李璧琦學唱歌,「因為佢推薦我先有人生第一首歌,所以佢真係我嘅恩師,今次佢都會評我,都有少少緊張,怕自己表現唔好會丟恩師架!」

  坤哥近日在社交網站發文表示欣賞《聲夢傳奇》14歲參賽者姚焯菲(Chantel),更稱「生到個咁嘅女就好囉」,但被好友兼姚焯菲的導師JW(王灝兒)叫他放過Chantel。自稱是Chantel鐵粉的坤哥笑說:「我要一竹竿打一船人,相信全香港30歲以上嘅人都會對佢有初戀感覺,我同啲朋友話要搞個Fans club,但我唔會做會長,我好欣賞佢但冇非分之想,(JW叫你死心,同唔好搞Chantel?)癡線咩,人哋只得14歲,我只係以Uncle角度去遠觀,因佢仲係張白紙,淨係想見到佢好我就好。(會否自薦與《聲夢》合作?)唔好,唔好搞佢(Chantel)。」他又自爆見到Chantel就有種追星的感覺,之前在錄影廠曾碰見對方都不敢上前打招呼,這是從未試過的追星感覺。