陸俊賢成功爭取新戲映期
青春動作喜劇《我要做特務》今天上映，前晚男女主角陸俊賢與黃寶瑤齊齊出席首映禮，對於影片等了3年終於上映，二人異口同聲表示本來已打定輸數上唔到，家上到真係好開心！他們除了幕前演出，還要兼顧幕後，黃寶瑤兼任電影網上宣傳，陸俊賢要親自致電發行商、戲院爭取映期，前後打了2、30個電話及Email，最後終於成功了。
前晚到來捧場的還有張彥博及龐景峰等人，阿博最近與劉佩玥合唱了一首歌，又一齊演出劇集《逆天奇案》，「今次係演佢前夫，總算做到人夫喇，可以講係圓夢，因為之前拍《一屋老友記》佢係我女神 ！不過今次我又係要領飯盒，唔知點解好多次都係咁，希望有一次可以做領飯盒嘅主角啦！」
