鄭伊健齋坐冇得「駛」
駕5百萬超跑拍廣告
54歲的鄭伊健最近憑一頭飄逸長髮，為某保健產品擔任廣告代言人，他坦言亦曾擔心脫髮：「其實又無得太驚，最緊要做好自己，脫髮問題事關遺傳基因、日常護理，我主張多做運動和均衡飲食。」他又透露試用產品後的「意外收穫」，不單止髮質變好，連指甲都變得堅韌。
廣告拍攝當日，為展示長髮飄逸效果，伊健在鏡頭前不停自轉又手舞足蹈，他更靈機一觸，引用家英哥在電影《大內密探零零發》中的經典動作和金句「豈有此理、豈有此理、豈有此理」，左右揈頭，全場爆笑。之後導演要求他與跑車競賽以展示Man爆魅力，但看似簡單的跑步動作，其實難度極高，「我有熱身和拉筋，今次只負責跑，好輕鬆，最辛苦是整隊Crew帶着器材跟住我跑，來回跑了好多次。雖然不用我真的跑得好快，但要拍出效果，需好好配合。」鏡頭另一邊他「駕駛」身價約港幣500萬元的麥拿倫超級跑車與自己競賽，但因保險和安全理由，只可以坐在車廂內拍攝，有得睇無得「駛」。
