黎瑞恩靠樂觀擊退病魔
胰臟兩腫瘤自動消失
由馬浚偉（馬仔）、黎瑞恩（小恩子）合演的舞台劇《男人40 CEO》，因新冠肺炎疫情關係由原定去年9月延至今年6月公演，前晚劇中演員進行綵排並示範其中一場歌舞演出。今次10場演出，因場地限制只准七成半入座率，即使門票全部售罄，亦未能封蝕本門，馬仔謂：「要賣出八成半飛先回本，所以蝕硬，加上延期關係，蝕去20多萬，但就賺到小恩子提供的伙食，佢仲幫我買埋廁紙、咖啡，幾乎連廁所都幫我洗埋，真的很感動和窩心，佢好識照顧人，當是蝕頭賺尾啦！」小恩子拍拍馬仔說：「我發覺無個女人係唔得㗎！」說到防疫措施，馬仔透露台前幕後會定期做檢測，就算自己接種了兩劑疫苗都要檢測，劇院方面會進行消毒，又有小恩子借出的消毒噴霧機，到時不是上台演出者都必須戴上口罩，確保安全。
另外，小恩子早前發現胰臟生了兩個良性腫瘤，最近再檢查時腫瘤已經消失，她說：「最初醫生說無藥食，叫我保持開朗心境，因病都是鬱出來，我覺得生死有命，要走便走，再沒有理會，儘管開心同玩，有日發燒入院順便檢查，腫瘤竟然完全消失，剩下兩個印，連醫生都無法解釋，所以開心好緊要。」
