西部聯「大」戰勝利有睇頭
周五澳職獨腳戲上演下游大戰，由尾3西部聯硬撼尾2墨爾本勝利，兩軍同樣近況低迷，急欲反彈，必會對攻，隨時會有大手交易，［2.5球］入球大可以一試。（開賽時間：周五5:05pm）
西部聯近期正經歷創會以來最差走勢，近6場只得1和5負，其中近4場更未能取得任何入球。至於墨爾本勝利亦不相伯仲，近7戰只得1和6負，7場波僅入4球，火力同樣令人擔心。無疑，兩軍均已無望爭入季後賽，但持續戰績差劣之下，大軍為向球迷交代，必會落力爭勝。考慮雙方防線同樣脆弱，西部聯更有主力後衛艾朗卡爾華缺陣，中門大開，在兩軍對攻之下，要上演入球騷絕不出奇。
再者，原來兩軍過去5次交手，有4次「總入球」均達3球或以上。單是上次對決，西部聯便贏4:3，次次碰頭次次精彩，今次追大最好路。
