陳嘉慧獻熒幕初吻

  獲無綫力捧首做女一

  胡鴻鈞(Hubert)、陳嘉慧(Erica)、馬貫東及麥美恩等昨出席新劇《愛上我的衰神》拜神儀式,首次擔正女主角的Erica與Hubert飾演情侶,Hubert被笑指奪去Erica「第一次」,他笑言好榮幸,希望對方能留下美好回憶,問到是否奪去女方的熒幕初吻?他透露二人會有吻戲,又讚Erica唔怯場、準備充足,對他而言是喜出望外。Erica聽到Hubert的讚賞表示好感動,對於有傳她被無綫力捧?她謂:「希望畀多啲機會我。」問如加床戲她可接受?她即反問對手是否Hubert?Hubert說:「睇吓劇本有冇需要,相信Erica 咁專業唔介意,等監製安排!」

  馬貫東在劇中飾演衰神,更要漂染一頭灰白髮,他直言犧牲好大:「每次漂染都要花4個鐘,漂到頭髮很脆弱,梳一梳都斷,好彩只得10集,漂兩次已經捱到完劇。」說到男人最忌脫髮,問到可怕會甩髮?「髮型師話唔會斷髮根,男人條根好重要呀,希望唔會甩髮。(女友喜歡嗎?)女友覺得好好睇呀,自己都想Keep,因為我啲頭髮生得快。(好囂張?)囂多陣啦,年紀再大啲就冇得囂!」