皇馬11年來首次四大皆空
皇馬以2:1反勝維拉利爾，無奈最終仍未能追上同市宿敵馬德里體育會，只能飲恨得亞，球會11年來首次四大皆空。主帥施丹賽後表示仍未定去留，一切會在數日後有答案。
「銀河艦隊」今場在開賽20分鐘失守，然後全場苦追，直到完場前3分鐘才憑賓施馬建功追和，再在補時階段由「賓佬」助攻莫迪歷反勝，可是皇馬仍以2分之差失落冠軍。33歲老將射手賓施馬今場仍是焦點，個人今季累積攻入23個入球，自C朗拿度離隊後，已經連續3季攻入「20+」入球，盡顯「卡士」。
施丹日內開會定去留
皇馬對上一次全季未有錦標落袋，已要倒數至2009/10球季，球隊上下當然失落，至於備受質疑的主帥施丹雖然尚餘一年合約，但去留已成各界關注焦點。他表示：「我哋要為球員表現驕傲，同時都要祝賀馬體會，冠軍係佢哋應得嘅。家我哋先要冷靜，我會喺幾日後同球會高層商討去留問題，再作決定，始終目前我仲有合約在身。」
