吳千語睇回放眼濕濕

  同惠英紅嘈交有火花

  電影《一路瞳行》講述父母失明,誕下視力健全的女兒,女兒長大後深覺只是父母的盲公竹,對家人又愛又恨。電影公司昨率先發放主題曲《面對黑暗》MV,片中有飾演失明父母的惠英紅(紅姐)、吳岱融及女兒吳千語一家人的寫實畫面外,並請來去年「傑青」視障女高音蕭凱恩主唱。

  60人管弦樂隊配以蕭凱恩的動人歌聲,穿插着紅姐、吳岱融陪伴着女兒成長畫面,當中有開心、有爭拗,最吸睛是紅姐在大雨中哭訴「我好驚佢有自己嘅世界唔要我哋!」吳岱融回應「女大嘞,要放手!」最後一家三口雨中擁抱,十多秒的畫面令人動容;MV最後紅姐一句「我最大嘅心願係你可以開開心心做自己想做嘅事。」相信正正亦是天下父母的心聲。

  身在內地工作的紅姐第一次看MV時亦感動非常,「自己特別喜歡同千語嘈,佢衝入房扯爛所有錄音帶一場,拍嘅時候已經好有火花,好有被傷害傷心感覺,入場時記得留意。」千語好開心可以同兩位實力派前輩合作,「呢場鬧交戲我都好難忘,因為紅姐好快令我入咗戲,覺得佢就係媽媽,同媽媽發生咗矛盾,事後又唔識解釋畀佢知,結果不停鬧交,睇playback(回放)同MV都會眼濕濕。」