大Sam季後告別西布朗

香港仔 P18 2021-05-21

　　英超降班形勢塵埃落定，已篤定降班的西布朗，周四凌晨主場以1:3負於韋斯咸，而在賽後，西布朗在官網發聲明證實領隊艾拿戴斯將在季後離隊，而「大Sam」賽後則大發雷霆，鬧爆韋斯咸前鋒米查利安東尼奧。

　　「大Sam」對於米查利安東尼奧在賽後批評西布朗只踢高Q大棍足球的言論非常不滿：「佢根本係侮辱緊我同我隊波，我知佢係個好人，但佢嘅說話係非常討厭同欠缺尊重。睇吓我近6、7年帶隊踢嘅足球就知，絕非佢所講嘅不斷長傳。」艾拿戴斯透露曾收到西布朗要他留隊的聘約，但他認為自己並非適合人選去帶領球隊挑戰重返英超，所以決定季後離隊。

　　另邊廂，水晶宮的73歲老帥鶴臣日前亦已宣布季後告別球隊，而在昨仗對阿仙奴賽前，兩軍球員列隊迎接鶴臣進場，賽後這位前英格蘭代表隊主帥聲言這場面是他永遠難以忘懷，他並向球迷致謝。