蕭正楠否認擅自改劇本
蕭正楠及湯洛雯（靚湯）昨晚演出《開心大綜藝》，談到有前無綫編劇日前上ViuTV節目爆料指試過被男演員突然更改劇本，蕭正楠揚言節目中所講的男演員不是他，但坦言平時拍劇真係會現場臨時執生，尤其是拍笑片會有微調，問到可覺得擅自改劇本會唔尊重編劇？「如改到出來效果好，相信編劇都會明白，但自己唔會改個大橋。」提到前編劇又投訴因沒有得跟場，所以被人改劇本都唔知？阿蕭指這是公司一直以來的做法，又謂爆料人無指名道姓是哪個男演員，所以講唔到乜嘢；靚湯自言拍劇時是最鵪鶉一個，故不會擅自改劇本，除非對白及劇本好唔流暢才會有改動。
