賓福特「尼」料 平手必捧
英冠今晚上演升班附加賽準決賽首回合，第3位賓福特將先作客第6位般尼茅夫，後者來到季尾突然腳軟3連敗，領隊活基治似乎未能為球隊及時調整，反觀賓福特近期卻是氣勢如虹連續12場不敗，今場「讓球」平手捧客勝夠穩呀！（開賽時間:周二1:00am）
般尼茅夫在今季英冠常規聯賽排第6，較賓福特相差10分，實力上明顯有一段距離。事實上，兩軍在上月尾曾交手，當時賓福特作客以1:0小勝，今次再遇，信心肯定佔先。再者，般尼茅夫近期在輪換人腳後遭逢3連敗，包括在煞科日以強陣出擊，依然淨吞史篤城雙蛋，連續3場未能取得入球，看得出主帥活基治本意是讓眾主力休息回氣，但現實卻是眾人未能再及時「撻着」，諸如前利物浦前鋒蘇蘭基便在近2場均未有進賬，而前阿仙奴發電機韋舒亞亦狀態有限，不宜寄望太高。
主隊低迷活基治冇計
賓福特方面，來到季尾連續12場不敗兼4連勝，狀態一流，最重要是首席射手艾雲東尼季尾及時回氣，連續2輪有「士哥」，今季累積攻入31球，是英冠神射手，威脅力超強。此外，法國前鋒麥比奧莫季尾亦態況冒升，近4場入3球，人腳優勝之下，今場要贏波機會樂觀。最後，再細看兩軍近年交手往績，近3次正式比賽對戰，賓福特錄得全勝，一面倒佔優，今場開［0球］平手，捧客勝有和冇輸啦！
