李城贏英足盃獻已故班主維猜
世事無絕對！周日凌晨舉行的英足盃決賽，李斯特城在一致睇淡下爆冷以1:0擊敗車路士，歷來5次打入英足盃決賽，終於首奪冠軍。賽後一眾「李城」球員聲言要將冠軍獻給已故班主維猜，場面感人。
「神奇球隊」李斯特城5年前贏得英超冠軍，今次亦再創奇跡，為球隊一箭定江山是中場泰利文斯，以一記世界波遠射奠勝。至於車路士尾段慘食詐胡，入球後被指芝維爾越位在先，VAR的判決再惹爭議。值得一提，今場是主帥羅渣士歷來第6次打入盃賽決賽，結果悉數封王。同樣創造歷史尚有首席球星占美華迪，他成為了史上首位球員生涯踢盡英足盃13圈賽事兼捧盃球員，平民英雄終於圓夢。
賽後頒獎禮上，一眾李斯特城球員找來現任球會班主艾耶華特一同高舉冠軍獎盃，獻給後者父親兼前班主維猜。門將卡斯柏舒米高表示：「我哋入面件衫都印上維猜張相，佢一直同我哋一齊，呢個冠軍要獻畀維猜，呢個係我哋奮鬥多年嘅冠軍。」
