麥克阿瑟慢熱博半場和
周五澳職有FC麥克阿瑟主場對墨爾本勝利，9日之前，麥克阿瑟作客都贏2:1，今場返地頭出戰，理應被全面看好。不過，今場主W稍嫌未夠熱透，或有風險，考慮主隊近期慢熱作風，一試「半場」和應是更明智選擇。（開賽時間：周五5:05pm）
FC麥克阿瑟排名第5，較勝利高出6位，雖然主隊近期戰績亦未算突出，但始終上次交手曾獲勝，兼且終止了5場不勝走勢，難得重返勝軌，今場必會搏盡，只是首席射手達比舒利今場停賽，正是爭勝最大隱憂。無疑，勝利近4場只得1和3負，狀態頗差，實力亦肯定不及主隊，今場更有後防重心尼高拉斯安素停賽，但細看他們近3戰均能取得入球，絕非任人魚肉之輩，只要加強防守，要偷雞搶分，其實並非全無機會。
考慮主隊可勝不穩，大家今場反而可留意「半場」和，事關麥克阿瑟近期頗為慢熱，近3戰均在半場與對手未分勝負，傾向以守為攻。至於勝利近2戰亦能在半場保住不敗，包括上次對戰麥克阿瑟，半場只是打和1:1，今場再遇，兩軍「冧莊」再開「半場」和機會樂觀呀！
