鄭秀文新歌播正能量
凡事都有生機及出路
鄭秀文（Sammi）近年的新歌歌名都很有意思，某程度上反映了她的心態變化，就像新歌《萬物有時》，會聯想是和她的人生觀有關，不過她表示並非如此想當然，並謂新歌是對《我們都是這樣長大的》作出呼應。
Sammi 覺得這首新歌可以套用於每一個人的生命入面，亦都好似幫「我們都是這樣長大的」這個議題，搵到一個更深層次的答案。入面有兩句歌詞她特別喜歡：「善萬物自有得着時，花開落有滄桑故事。」每個人生命中都會遇到各自的困難，一些滄桑無奈的事，那一刻可能覺得好悲傷，不知道怎應付，但隨着時間過去，時間會給你一個最好的答案，「其實每個人喺生命入面都會遇上一啲無力時刻，希望呢首歌可以畀到大家一個療癒作用，而唔係普通一首流行曲。」
為表達歌曲的內容意境，Sammi 和 MV 導演莊少榮曾研究很多不同的構想，「結果我哋都有相同睇法，想用比較影像化嘅感覺去呈現呢首歌嘅意境，喺 CG 特技幫助之下，呢部分嘅感覺係比較深刻。整體希望帶出人喺生生不息嘅狀態入面，喺唔同境況期待萬物有時，喺每件事都有好嘅生機好嘅出路，希望可以帶出比較正面嘅感覺。」
