基斯保羅弗爆MVP大熱

  太陽隔11年再入季後賽

  昨日NBA常規賽,太陽主場以109:101擊敗快艇,基斯保羅(CP3)上陣32分鐘為球隊貢獻28分,率領球隊事隔11年再入季後賽。

  太陽除了有年輕核心保卡貢獻21分外,35歲的老將保羅亦是今場功臣。他上半場出手3次僅得3分,下半場卻發威狂轟25分,合共打出28分、10助攻的「雙雙」表現,帶領球隊擊敗快艇。這也成為太陽自2010年以來首次殺進季後賽。在第4節的尾段,人群開始向保羅喊起:「MVP!MVP!」美國媒體《美聯社》報道亦指,他的表現有如一個年輕10年的球員。

  CP3謙虛的不認為這是自己功勞:「我知道我打咩位置,都知道保卡打咩位置,佢講咗關於我哋隊球員啲嘢我聽。我都識得去跟住教練去打,佢好注重細節。」快艇教練路爾在賽後也不禁稱讚CP3很難防守:「佢控制咗成場嘅比賽,打出佢自己嘅節奏,都令所有隊友參與其中,呢啲都係一個真正控球後衛要做到嘅工作。」

  太陽勝率今季能破7成,是隊史自2007年以來最高,事實上CP3在今季賽事很多關鍵時刻出手,帶領太陽得勝,亦因此被視為今季MVP熱門也是理所當然。同日上演的另一場賽事,76人主場以127:83大炒鷹隊44分,亦成功闖進季後賽。